Chapter 26

Kakikitaan ng katuwaan ang mukha ni Kelly nang nakasakay sila ni Ryker sa pribadong elevator ng kompanya nito na exclusive para lang sa binata. Hindi niya alam ang bagay na 'to kaya hindi niya alam na kaninang sumakay sila roon habang may ibang empleyado na naghihintay din sa pagbukas ng elevator sa harap nila ay nagsimulang magkaroon ng gossips. Wala siyang kamalay-malay na sa unang araw niya ngayon ay nagkaroon ng usap-usapan sa lahat ng empleyado ng Mondragon ang pagsulpot niya sa tabi ng binata.

Kesyo kasintahan daw siya nito o kaya ay fiancee nito. May iba naman na nagsabing baka bagong assistant o kaya ay baka isa lang daw uli siya sa bayarang babae na nagsisilbi sa kama nito. Pero lahat ng ekspekulasyon tungkol sa kaniya ay walang makakapagpatunay at hihintayin na lang nila na manggaling mismo sa secretary ni Ryker kung sino siya.

Sa loob naman ng elevator ay hindi mapuknat ang ngiti ni Kelly at kahit anong gawin niya para itago ay hindi niya magawa. Ang sulok ng labi niya na na