Chapter 88.3

“Mukhang maayos na naman si King,” sabi ni Kristelle. “Bukod do’n, tama ‘yong bilin ninyo sa ‘kin para mahawakan ko siya sa leeg. Sa tingin ko naniniwala siyang ako ang karelasyon niya noon na minsan naaalala niya, inuunahan ko ‘yon para ako lamang ang isipin niya.”

Tumango si Don Felipe, nakangiti ‘to.

“Salamat sa pagtitiyaga mo, Kristelle.”

“Gusto ko rin siyang makuha, kailan kami magpapakasal?” tanong ni Kristelle.

“Kapag mas maayos na siya, sa ngayon, kailangan pa rin niyang magpagaling. Mukhang may duda pa rin siya kung minsan sa ‘yo,” ani Don Felipe.

Tumango naman si Kristelle. “Hindi ‘yon pagdududa, nakakaramadam lamang siya ng kakaiba dahil maraming alaala siyang nawala. Isama pa ‘yong alaala niya nang pagsasama namin noon. Kahit anong tanong ko, hindi pa rin niya matandaan ako. Pero mas okay na ‘yon dahil nga mas nagagawa