Chapter 19 : Breathe

Kasalukuyan akong nakatingin sa dalawang armchairs sa harap ko. May ilang scrap wood panels din. Nandito kami sa workshop ng SPU.

Noong unang pasok ko rito, naalala ko iyong mga warehouse sa mga action movies, isang malawak na single storey building na may mataas na ceiling. Mayroong mga kahoy at metal na maayos na nakasalansan sa gilid kasama ng mga pintura. Samantala ang mga malalaking makina na ginagamit sa wood and metal works ay nakahilera sa pinakaloob na bahagi ng workshop.

Ang class namin ay pinapwesto sa isang open space malapit sa entrance. Sa isang major subject namin, pinagagawa kami ng furniture gamit ang mga lumang armchairs at iba pang scrap materials. May ideya na ako kung anong gagawin ko kaso wala naman akong masyadong alam sa carpentry.

Dumoble ang number ng class namin. Karamihan kasi ng mga classmates ko, may mga plus-one na galing sa Engineering and Architecture Department. Pwede kasing magsama ng isang assistant ang bawat student para tumulong sa labor works. Na