Chapter 50

DAHIL sem-break na sa school, marami-rami ang binaon ko. Halos lahat yata ng damit na nandoon dinala ko na. Wala naman siyang comment nang makita ang maletang bitbit ko kaya umalis na rin kami. Walang dala miski na isa si France maliban sa wallet at susi ng kotse niya.

Excited pa ako habang nasa biyahe na kami. Panay lingon ko sa paligid sa pag-iisip na baka nandoon na kami. Ngunit dahil sa traffic, inabot kami ng halos dalawang oras bago nakarating. Pumasok kami sa isang pamosong subdivision na halos ikaluwa ng mga mata ko sa gaganda ng bahay na aking nakikita. Daig ko pa yata ang nasa Beverly Hills.

Tumigil kami sa tapat ng isang malaking gate. Hindi kita ang loob sa sobrang taas ng bakod. Tatlong beses siyang bumusina at pinagbuksan din kami.

Lalo akong hindi makapaniwala. Napakalaking bahay ang bumulaga sa akin. Este mansion na nasa gitna ng malawak na garden. Parang mall sa laki at unique architectural design. Napatingin pa ako kay France na pa-smirk na ngumiti sa akin nang magk