Chapter 54

"A-ALAM mo, Shandy, sha totoo lang, inggit na inggit ako sha 'yo..." ani Jean na sinisinok pa sabay tungga sa basong pinuno nito ng alak.

"H-Huwag kang mag-alala, Jean... a-alam ko naman matagal na..." aniko habang sinisinok-sinok din. Andami na naming nainom. Ilang bote na ang nauubos namin, iba-iba. Kung ano'ng bago sa paningin, sige kami bukas nang bukas. Natutuwa ako dahil nakahanap ako ng drinking buddy.

Ang gaganda ng baso. Marami ring laman ang ref. Talagang naka-ready ang lugar na ito para sa inuman anytime. Iyong ice cream sa fridge ang ginawa naming pulutan nang maubos na ang mga pinaluto ko.

"P-Paano mo n-naman nashabi? Bakit... " Halos malugmok na si Jean sa mesa. Pareho na kaming nawawala sa sarili.

"A-Alam mo b-ba... k-kung p-paano kami n-nagkakilala ng c-crush mo...?" nakangising tanong ko. Nakahilig na ang ulo ko sa mesa. Magkaharapan kami. Pilit na inaaninag ang isa't isa dahil parehas nang nanlalabo ang aming mga mata.

"P-Paano...?" Pinilit niyang patinuin ang sar