Kabanata 25.1

Nasa opisina si Monique at hindi pa rin mawala sa isip niya ang natanggap niyang bulaklak at note. Pinapaikot niya sa mga daliri niya ang hawak niyang ballpen. Ibig bang sabihin ay mawawala sa bansa o magbabakasyon na muna ang taong gusto siyang patayin?

Ano bang ibig niyang sabihin na enjoyin muna ni Monique ang mga araw niya? Ititigil ba muna niya ang pagpapapatay sa kaniya? Kung ganun, wala na silang oras. Kailangan nilang maunahan ang taong yun, kailangan na nilang malaman kung sino siya.

Hindi pa nga napapanatag si Monique tungkol kay Aidan may dumagdag pa sa isipin niya. Puro na lang problema. Natatakot siyang maunahan siya ng killer niya at masaktan niya ang anak niya. Kung hindi si Isabella, sino sa mga De Chavez?

Sino sa kanila ang nakakaalam ng tungkol sa anak niya? Napapahilot na lang si Monique sa sintido niya at napapabuntong hininga. Para silang naglalaro ng hide and seek sa isang maze. Hindi mo alam kung saan mo sila hahanapin.

“Bakit sobrang tahimik ni Aidan ngayon?