Chapter 30

"Carilla! Carilla!"

Naalimputanganan ako ng marinig ang natataranta at humahangos na boses ni tiya Sela.

"Bakit?" Sumungaw si Mama mula sa kusina.

Tinatamad akong bumangon mula sa pagkakahiga ko sa sofa.

"Nasa labas si Llesea!"

"Ano?! Anak ng!"

Nanggigil na lumalabas si Mama at mukhang susugod sa labas. Nagulat naman ako at sumungaw sa bintana.

Napasinghap ng makita ang isang Llesea Avaceña sa aming bakuran kasama ang di ko mabilang na mga body guards nito. Napakamamahalin ng itsura nito pero bakit mukha itong maamong tuta ngayon?

Anong ginagawa nito dito?

"Napakalaking boba mo talaga, Llesea! Ang kapal ng mukha mong magpakita na naman rito! Tigilan niyo na ang anak ko!" Nagsisigaw si Mama habang pasugod sa ginang.

Kumunot ang noo ko. Ano? Hindi ito ang unang pagkakataon na narito ito?

"Ma!" Sigaw ko para awatin siya dahil mukhang sasaktan siya ng mga bodyguards.

Gigil na lumingon sa akin si Mama. Umawang ang labi ni Llesea habang nakatingin sa akin.

"Wag na wag kang lalabas! Makak