Chapter 5

        "Ms. Fritzene Tengco, you're our choice to represent CAS Department in Mr. and Ms. BISU sa ating foundation day. Mr. Zeus Lorenzo De Villa from Architecture will be your partner. " 

         Mula kay Mrs. Catalina De Guzman ay lumipat ang tingin ng lahat sa kanya.         

         Nagulat man ay hindi maiwasang umangal ni Fritzene nang sabihan siya ng kanilang adviser na siya ang kandidata bilang Ms. CAS (College of Arts and Sciences) na ilalaban sa iba pang kandidata mula sa ibang Department sa darating na BISU Foundation weeklong celebration. Paano ba namang hindi? Sa dinarami - rami ng magiging kapareho ay si Zeus Lorenzo De Villa pa talaga? The High and Mighty Zeus!

         Napakunot ang noo na nakatingin sa kanya si Mrs. Catalina De Guzman. 

        " May problema ba Fritz?" tanong ni Mrs. De Guzman habang nakatuon sa kanya ang mga mata nito sa kanya maging ng mga kaklase. Naghihintay ang mga ito ng kanyang sagot.

        Nahihiya naman siyang tumugon sa guro. “Eh Maam, baka naman po puwedeng iba na lang?” Hindi naman sa ayaw niya. Kung tutuusin gusto naman talaga niya ngunit ang malamang si Zeus ang kapareho niya, hindi bale na lang. Igigive up niya ang kagustuhang maging Miss BISU. 

        "No my dear. Huwag mo sanang tanggihan ang aming proposal sa iyo. Ikaw talaga ang choice ng buong faculty. Kayo ni Zeus Lorenzo De Villa from Archi.Huwag ka nang mag – alala. We know, you can do it. Nasa sa iyo ang qualities na hinahanap namin na magrepresent sa ating Department.” Nakangiting sagot ng guro. “May tanong ka pa ba? Anything else?”

        Natitigilang napailing na lang siya. Ano pa nga bang magagawa niya. Nandito na. Nakakahiya naman sa adviser niya at buong faculty na nagtiwala sa kanya upang magrepresent sa Department. Titiisin na lamang talaga niyang makita si Zeus tuwing may rehearsal.

        “Anyway, we’re all here to help you.” Sabay tapik sa kanyang balikat ng guro. Tumalikod na ito upang magsimula ng klase sa kanila.

        “Sana all” nakangiting sabi ng katabi niyang si Ninia Buendia. Ito ang kaibigan niya sa block section nila.

        "Beke nemen gusto mong pumalit sa akin?" Hopeful pa rin na sabi niya.

        Nangingiting umiling sa kanya ang kaibigan. "Hahaha.. para sa iyo talaga iyan sis."

        Marahas na napabuntuhininga si Fritzene sa naging kapalaran. Ito na yata ang pinakamasamang Foundation Week para sa kanya.

****************************************

        'Just thinking of the devil. Hayun siya oh, at may kalampungan na naman' 

        Fritzene couldn't help but rolled her eyes in disgust. Kung hindi si Apollo ang kasama ni Zeus, madalas ay may kasamang babae si Zeus tuwing makikita niya. Nasa kantina sila ni Ninia nang oras na iyon upang kumain ng lunch. 

        "Sa labas ng campus na lang kaya tayo mag - lunch?" atubiling yaya niya kay Ninia.

        Nagtatakang napatingin sa kanya si Ninia. "Hello sis, ang init - init para lumabas pa tayo ng campus. Dito na lang tayo..." Napatigil si Ninia sa pagsasalita nang masulyapan sa isang table doon si Zeus kasama ang babaeng kulang na lang ay kumandong dito.

        Tumaas ang kilay nito at nanunuksong tumingin sa kanya. "Ahhh.. kaya naman pala. Nagseselos ang enemy-zoned na friend ko."

        "Duh.. hindi po ako nagseselos. Naiimbiyerna lang ako sa pagmumukha ng Zeus na iyan. At never akong magkakagusto diyan ano. " 

        Natawa na lamang ang kaibigan niya sa reaction niya. "Baka kainin mo ang sinabi mo? Ikaw talaga. Ang init init ng dugo mo kay Zeus. Hindi na kayo nagkasundo. "

        Umiling iling siya. "You know the whole story hindi ba? Alam mo naman ang reason ko for hating him that much."

        "Fritz, you better let bygones be bygones. Bakit kailangang ungkatin at balikan pa?" ani Ninia. That's what she likes about Ninia. She'll give you honest opinions kahit na masaktan ka sa sasabihin niya just to make you realize things over. Hindi siya kakampi sa iyo porke kaibigan ka niya. 

        Fritzene took a deep breath. "I will never ever forget that. Lalo pa at hindi naman siya kailanman bumaba and ask for forgiveness. If you're in my place, siguro naman ganoon din mararamdaman mo."

        Napapalatak na napailing na lang si Ninia habang nakatingin sa pares na tinitignan niya.