Chapter 23

WALANG pagsidlan ang tuwa ni Yumi nang gabing iyon dahil sa naganap na date nila ni Vincent. Pakiramdam niya'y idinuduyan siya sa ulap ng mga anghel. Kinapa niya ang kuwintas na ibinigay ng binata. Alam niyang mamahalin iyon ngunit alam niya, sa puso niya mas mahal pa roon ang kanyang nararamdaman para sa binata. Wala mang nangyaring ligawan sa pagitan nila, hindi man siya hinarana o binigyan ng pagkatatamis ng tsokolate, ramdam naman sa puso niya na ang binata na ang pinaka-romantikong lalaki na nakilala niya.

"Oy si Ate, kumikislap ang mga mata."

"Ayan ka na naman, Marrie, um-eksena ka na naman agad. Kita mo nang nag-iimagine pa itong si Ate Yumi."

Napatingin siya sa dalawang maid na lumalapit, nasa sala siya nang oras na iyon. Si Vincent nama'y umakyat na sa silid nila upang magpahinga. Sinalubong na rin niya ang mga ito ng yakap. "Salamat at muli ko kayong makakasama rito. Happy ako na makita kayong muli."

"Kami rin naman, Ate Yumi. At siyempre, masaya kami dahil muli kayong nagk