Art of Destiny XXXI

RAMDAM ni Jino ang pananakit ng buong katawan nang muling bumalik ang kaniyang ulirat maging ang pangangawit ng dalawa niyang kamay na noon niya lang nalaman na siya ay nakabitin nang padipa.

Hindi niya nakita ang mga sugat sa iba-t ibang bahagi ng katawan niya pero ramdam niya ang mga pasa na likha ng ginawang pambubugbog ng nagpakilalang Drax Steve Del Valle.

hindi niya kilala ang naturang lalaki pero aayon sa pagpapakilala nito kanina sa kaniya, fiancee daw ito ni Rose Mary at malapit na daw ikasal ang dalawa kung hindi lang sa plano ng mag-amang Jonathan at Rose Mary na paghihiganti sa pamilya Domingo.

Ang mga rebelasyong kaniyang natuklasan ay parang isang maalaking pabigat sa kaniyang balikat na anupa't halos gusto nang bumigay ang natitira niyang lakas para labanan ang nalalapit na kamatayang iginawad ng mga taong hindi niya sukat akalain na malaki pala ang atraso ng kaniyang Lola Zenaida.

Ang katotohanang narinig niya mula rito ay mahigpit niyang itinanggi. Mariin niyang sin