“Sumunod na lang kayo sa gym for our PE class. Let’s meet after ten minutes,” sabi ng professor namin at umalis na.   Naiwan kami rito sa classroom at ang iba ay lumabas na para magpalit ng damit. Nang tingnan ko si Zari, busy siya sa pagre-retouch ng make up niya. ‘Yong totoo, kailangan pa bang mag makeup kung pagpapawisan din naman? Tatawanan ko talaga ‘tong babaeng ito kapag kumalat ang mascara niya mamaya.   Tumayo na ako at akmang aalis na sana nang may tumawag sa akin. Nilingon ko ‘yon at nakita ko si Dior na naglalakad palapit sa akin. Nang nasa harapan ko na siya, nanlaki ang mga mata ko nang bigla niyang inagaw ang bag ko mula sa aking kamay. Pinilit kong agawin ‘yon ngunit medyo nakalayo na siya sa akin at hindi naman ako pwedeng tumakbo dahil sa kalagayan ko. Wala akong nagawa kundi sumunod na lang sa kanya papunta sa lock

"Maayos na ba ang lagay niya?" narinig kong tanong ng isang tinig ngunit nanatili pa rin akong nakapikit at hindi ako makagalaw dahil sa panghihina ng katawan. "Maayos na siya ngayon. Inatake lang siya ng asthma noong nalaglag siya sa pool," sagot ng isa na namang tinig. Narinig ako ng pagbuntong hininga at nasisiguro kong galing iyon sa tinig na nagtatanong kanina. Dahil sa curiosity kung sino ang mga nag-uusap dito sa harap ko, dahan-dahan kong minulat ang aking mga mata at nakita ko si Dior na nakaharap sa direksiyon ng isang doctor. Sandali... nasa hospital ba ako? At saka anong sinasabi nilang pool at inatake ako ng asthma? Umupo ako mula sa aking pagkakahiga kaya napatingin sa akin 'yung dalawa. Dali-dali namang lumapit sa akin si Dior at hinawakan ang kamay ko. Mababakas din sa kaniyang mukha ang pag-aalala. Dahil nawiwirduhan ako, inalis ko ang kaniyang kamay mula sa pagkakahawak sa akin. Nagtataka niya akong tin

"Nasaan ang bahay ninyo? Parang abandonadong gubat naman yata 'yan," takang tanong niya habang tinitingnan ang gate namin.  Napairap na lang ako at lumabas ng taxi. Kinuha ko ang aking cellphone mula sa bulsa ko ngunit naalala kong wala nga pala akong number nila. Naglakad ako palapit sa gate at agad namang lumapit sa akin ang mga gwardya bago nagbigay galang sa akin. "Woah, ano 'yan?" tanong ni Danielle na nasa tabi ko na pala at nakatingin sa mga gwardyang nasa harap namin.  "Ma'am Heather, kagabi pa kayo pinapahanap ng inyong mga magulang," sambit ng punong gwardya. Hinahanap ako nina Mommy? So... nalaman na pala nila ang kalokohan ko, pero hindi sila ang narito? "Wow, pati pangalan mo'y pangmayaman din!" namamangha na namang sambit ni Danielle kaya sinamaan ko siya ng tingin dahilan upang manahimik siya. "Pwede ba akong makahingi ng ten thousand? May kailan lang ako

"Maayos na ba ang lagay niya? Napapansin kong mas nagiging madalas na ang pag-atake ng kaniyang asthma. Ano ba'ng nangyayari, Dior?" narinig kong nag-aalalang sambit ng isang boses babae.  Ginalaw ko ang aking kamay at nakaramdam ako na parang may nakatusok sa kamay ko. Nang minulat ko ang aking mga mata, laking gulat ko nang makitang naka-confine ako ngayon.  Agad akong umupo at mas nanlalaki ang aking mga mata habang nakatingin sa kamay kong may nakatusok na karayom. Ano na naman ba'ng nangyari sa akin, bakit nasa hospital na naman ako? "Heather, anak..." sambit ng isang tinig ng babae. Dahan-dahan kong tiningala ang aking paningin patungo sa direksiyon ng babaeng tumawag sa akin. Nang magkatagpo ang aming mga mata, agad na nanlaki ang mga ito nang makitang si Mommy iyon.  "Mommy..." naiiyak na sambit ko habang pinipigil ang mga luhang nagbabadyang tumulo mula sa aking mga mata. Mula

"Dior, halika rito!" masaya at tumatawang pagtawag ng isang nakangiting babae habang sinesenyasan niya si Dior. Agad namang tumakbo palapit sa kaniya si Dior at inakbayan siya bago sila naglakad paalis. Habang naglalakad sila, pinapaulanan sila ng mga papuri ng kanilang mga kamag-aral dahil pareho silang sikat at gusto nila ang dalawa para sa isa't isa. Bukod kasi sa maganda ang physical appearance nila, matalino at mabait pa sila, kaya naman maraming nagkakagusto sa kanila ngunit lahat ay naging brokenhearted nang malaman nila na in a relationship na ang dalawa. Kahit gano'n, masaya pa rin sila na muli na namang magkakaroon ng role model na couple sa kanilang paaralan. "Tingnan mo, pinagtitinginan na naman nila tayo. Grabe, nakakahiya na," nahihiyang ani Farrah at sumubsob sa dibdib ni Dior habang naglalakad. Napatawa naman si Dior habang nananatiling nakaakbay sa balikat ni Farrah. Mas nila