Habang lulan ng kotse niya si Simone ay hindi niya naiwasang isipin kung gaano kadali napunta kay Jade ang bahay ni Joy gayong tatlong araw pa lang nawawala doon ang babae. Sa kabilang banda ay bigla din niyang naisip na wala nga pa lang nakukuha ang babae na hindi nito ginusto. Hanggang sa makarating si Simone sa grocery. Dali-dali siyang pumasok doon para mamili ng mga pangangailangan nila ni Joy dahil baka nagugutom na ito at hanapin siya nito kapag nakita nitong wala siya sa bahay, hindi pa naman siya nakapagpa-alam sa babae dahil sa kakamadali niya. Pag-uwi niya ng bahay ay saglit muna niya itong sinilip sa kwarto at nakahinga siya ng maluwag nang makita niya na payapa itong natutulog doon. Inayos muna niya ang kumot ng babae bago siya muling bumaba para simulang magluto. Ganadong-ganado siyang magluto dahil ngayon pa lang niya mapagsisilbihan at makakasalo ang babaeng lihim niyang iniibig sa pagkain. Nang matapos magluto ni Simone ay kaagad niyang inayos ang lamesa at hinain a