Chapter 57. Magkanya kanya na lang

NEO'S POV

Alas dose na ng mapagpasyahan kong magtungo sa restaurant. Nagugutom na kasi ako dahil hindi ako nag-almusal kanina.

Maaga akong umalis para hindi na ako makita ni Shin. Alam kong namumuhi sya sa akin at nararamdaman ko ang panlalamig nya.

Hindi ko rin sya tinatabihan sa pagtulog para kahit paano ay hindi ako makadagdag ng pasanin sa kanya.

Ilang minuto lang ang lumipas at nakarating ako sa isang japanese restaurant.

Pinagbuksan ako ng guard upang makatuloy na sa loob.

Nilinga ko ang paligid upang maghanap ng bakanteng mesa pero hindi ko inaasahan ang nakita ko.

Nandito si Shin at may kasama syang isang lalaki. Maputi, reddish brown ang buhok na bahagyang mahaba. Malaki rin ang kanyang pangangatawan na hindi nalalayo sa akin.

Hindi sya pamilyar sa akin pero sa mga kinikilos nila parang matagal na silang magkakilala.

Nakaramdam ako ng kirot sa puso ko. Mabuti pa ang lalaking iyon at nagagawa nyang pangitiin ang mahal ko.

Napataas naman ang kilay ko ng biglang punasan ng lalak