Kabanata 2

Bumalik na lamang ako sa dining at doon nalang naghintay sa kanila. Tahimik kasi sa dining dahil walang masyadong bisita na pumapasok. Mga kasambahay lang nila tita ang nagpa balik balik kasi may mga kinukuha. 

Kinuha ko nalang ang phone ko at saka nag scroll sa social media. May nakita akong isang shared post ng ilang tao patungkol sa isang model ata, mukhang mayroon na namang bagong pinag- gigiliwan ang mga kababaihan. Tinignan ko ang mukha ng lalaki, walang duda. Napaka gwapo. Ang tangos ng ilong, ang ganda ng jawline at napaka musculine ng katawan. Parang CEO lang sa isang kompanya pero isang model. Nagpatuloy nalang ako sa pag-iiscroll ngunit halos mukha niya lang nakikita ko. Maging sa twitter at mga story nila sa i*******m ay iisang lalaki lang ang nakikita ko. Gwapo naman kasi talaga pero wala pa rin akong pake.

Nag check nalang ako sa mga nag memessage sa akin sa aming page at sa mga nag-eemail. Nakita ko na may dalawang orders ng 6 feet na wedding cake. Trabaho na naman hays. Buti nalang hindi same ang date. 

Habang abala ako sa pag check ng mga nagpa booking for cakes ay may pumasok na matipunong lalaki sa kusina. Napatingin ako sa kanya at napatingin din siya sa akin. Na realized ko din na isa siya sa mga grupo ng mga kalalakihan na nag iinuman sa sala. Di ko na lamang siya pinansin at nagpatuloy na lamang ako sa aking ginagawa. 

Tumatagal ang oras ngunit parang di pa rin tapos ang lalaki kung ano man ang kanyang hinahanap kasi di parin siya lumalabas. Napatingin na lamang ako sa kanya. Mukhang may ina-asikaso siya sa may sink. 

Nilapitan ko siya at tinanong kung ano ang kanyang hinahanap. 

"Excuse me, may hinahanap ka?" napatingin siya sa akin. 

"I was looking for an ice. Is there anything I could get?"

Ice? Ice ba hinahanap niya? Bat di siya dumiretso sa ref? May sayad ata to.

"Yelo hinahanap mo? Bat nandito ka sa cabinet naka harap, nandon lang naman ang ref" sabay turo sa may corner kung nasaan ang refrigerator. "Sana okay ka lang" dagdag ko pa.

"Are you being sarcastic to me?" kumunot mukha niya

"Oo bakit?" deretso kong tugon na nakakunot din ang mukha.

"Rude." at lumabas siya ng dining.

Napanga-nga na lang ako. Nag-sasayang lang ata iyon ng oras dito, nasa 30 minutes na kasi ang nakalipas tapos wala rin naman palang makukuha kasi napakaarte. Sinasagot ko lang siya ng napaka obvious eh.  May sayad ata talaga yung lalaki na 'yon.

May sayad na. Maarte pa

Ang arte. Ako na nga nagtanong kung ano ang hinahanap niya para matulungan, ako pa yung rude. 

Rude naman kasi talaga approach mo Violet kaya tumahimik ka rin dyan bruha ka. 

Di ko na lamang siya inintindi, di ko rin naman siya kilala.

Sa pag-aantay ko ng mga isang oras, pumasok rin si Lee. Nagulat pa siya ng makita niya ako.

"Renee? kanina ka pa nandito? Bat di mo ko tinawagan?" waw ha ikaw nga yung hindi sumasagot sa mga tawag ko.

"Tumahimik ka bakla kanina pa kita tinatawagan"

"What?" pinakunot niya pa mukha niya at naglakad papalapit sa akin. "Oh nakalimutan ko pala phone ko, naka silent pala iyon" napatawa pa siya.

"Letche ka"

Napatawa na lamang siya ng malakas. "Sorry sorry mauulit pa, I mean di na mauulit" ang bakla tawa ng tawa. 

"So bakit di ka lumabas ng bahay? Nandon sina Belle sa pool." sabi niya sa akin "Ay wag mo ng sagutin kung bat di ka lumabas, alam ko na sagot nun" dagdag niya pa. 

"Nga pala girl, halika ipapakilala muna kita sa mga hotties na bf ko."  pina-ikot ko nalang mata ko dahil sa pinag sasabi niya.

"Lee kung yung mga kalalakihan na nasa sala ang tinutukoy mo, hardpass"

"Luh bat mo alam?" pagtataka niya.

"Luh bet me elem?" pang gagaya ko. "Bakla ka kanina pa ako naglilibot sa bahay niyo dahil di kita mahanap" dagdag ko agad na may bahid na irita sa mukha.

Napatawa lang siya sa akin.

"Girl bakit ba ayaw mo? Puro 'yon mga hotties, professionals, at saka malaki yung ano..." di niya tinuloy

"Ang ano? Kadiri ka abnormal"

Tumawa na lang siya. 

Baklang to talaga bakit ko ba to naging kaibigan. Char kahit ganyan yan, mahal ko yan.

Inirapan ko na lang siya. Umirap din siya sa akin, natawa na lang kaming dalawa.

Mga pogi naman kasi talaga yung mga nag-iinuman sa sala. Siguro nga mayayaman pa ang mga iyon at baka sila rin ang mga nag-mamay ari ng mga sasakyan na naka parada sa labas. Para nga silang mga high paid models ng isang mamahaling brand eh dahil sa looks nila. 

Pero wala pa rin akong pake. Minsan na nga akong niligawan ng isang mayaman na pogi kaso nung papunta pa lang kami sa iisang mamahaling restaurant para mag date, nakita ko siya na sinipa yung isang pusang gala. Nagulat ako sa ginawa niya, sa galit ko napa mura ako. Nagulat din siya, akala niya siguro napaka hinhin kong babae na hindi nagagalit. Dumipensa pa siya na nagulat din siya sa kanyang sarili kung bakit niya nagawa iyon. Dahil hindi naman ako martir na babae, hindi ako nagpadala sa pag depensa niyang bulok at sinipa ko siya sa betlogs. Kinuha ko ang pusa at nag para ako ng taxi. We just left kasi I don't like abusive men na manipulative. 

Wala akong pake kung gaano sila ka gwapo at kayaman. Di naman iyon importante sa akin. Ang gusto ko lang kapag nagka jowa ako or may manliligaw akong sinagot, dapat mabuting tao rin. Oo alam ko lahat ng tao naman ay may tinatagong kanya kanyang pangit na ugali, alam ko rin na hindi natin ma pipilit ang mga tao na baguhin nila ang kanilang mga sarili, pero at least ang gusto ko ay yung taong alam nila kung ano ang tama at kung ano ang mali. Sawa na ako sa mga taong mapag samantala at sa una lang ipininapakita ang kabaitan. Sawa na ako sa mga taong laging pinipilit na tama sila, na kung tutuusin ay mali naman talaga.

Kung mag aasawa man ako, dapat ang magiging ama ng aking mga anak ay kasing bait ng mga anghel sa langit. Wala akong pake sa lahat, wala akong pake kung di ko siya mahal. Basta kung mahal niya ako at mabait siyang tao. Handa akong isuko lahat ng standards ko sa buhay.  Matutunan ko rin naman siyang mahalin sa pagdating ng araw. Lalo na kung puro kabaitan at pagmamahal na lamang ang lagi niyang ibinibigay. Gusto ko lang magkaroon ng mapayapang pamumuhay kasama ang aking mga anak.