Kabanata 27: Care of Rhiya

"Kainin mo ang lahat ng ito ate Joy ha para maging healthy kayo ng magiging pamangkin ko." masiglang sabi ni Rhiya habang inaabot sa kaniya ang sinigang na hipon at chop seuy na niluto nito dahil alam nitong paborito niya ang mga iyon. Mayroon na ring mga sariwang prutas na nakahain sa mesa.

"Hmm.. mukhang masasarap ang mga ito ah! Paniguradong mabubusog na naman kami ni baby sa mga niluto mo." puri ni Joy sa kapatid ng nobyo.

Nahihiya na siya rito dahil ito ang gumagawa ng lahat ng gawaing bahay mula sa pagluluto, paglilinis at hanggang sa paglalaba ng mga damit niya katuwiran nito ay buntis siya at bawal siyang mapagod. Kayang-kaya naman daw nito ang mga gawaing bahay. Kahit anong kumbinsi niya na tulungan ito ay hindi siya nananalo kaya hinayaan na lamang niya ito.

Ito rin ang palaging nagpapa-alala sa kaniya ng oras ng pag-inom ng mga vitamins niya kaya sa isip ni Joy ay napaka-suwerte niya dahil may hipag siya na katulad ni Rhiya, hindi nagiging boring ang araw niya dahil sa kak