Kabanata 47: Maximo Makenzie

Samantalang galit na nilamukos ni Don Julio ang mga larawang ibinigay sa kaniya ng tauhan niya. Naroon siya sa opisina niya habang iniisip kung sino ang sumabotahe sa kaniya sa dapat na lupang bibilhin niya sa Zambales. Napaaga ng tatlong araw ang uwi nila ng anak niyang si Jade dahil imbis na sa kaniya ibenta ni Mr. Valderama ang lupang napag-usapan nila na bibilhin niya dito ay bigla na lang nagbago ang isip nito at napag-alaman niyang sa ibang tao nito ibenta iyon. Nakaplano pa naman na ang lahat-- ang gagawin niyang proyekto para sa lupa sa Zambales pero dahil sa ginawa ng kung sino mang tao na karibal niya sa negosyo ay malaking pera ang nawala sa kaniya.

Sinabayan pa ng manugang niyang si Ricks na buong akala niya ay nasa panig na ng anak niya, iyon pala ay palihim pa ring nakikipagkita sa nobya nito. Lihim niya itong pinasubaybayan sa isa sa mga tauhan niya dahil napag-alaman niyang hindi pa rin ito nag-eenroll sa University na papasukan nito katulad ng inutos niya dito, 'yon