Kabanata 48: Don Julio Isavedra's Business Competitor

Matapos alalahanin ni Maximo ang nakaraan ay muli niyang inilabas sa drawer niya ang lumang larawan na may sulat ng kaniyang ina at binasa iyon.

"Mahal kong Luis,

Patawarin mo ako kung nagsinungaling ako sa'yo at hindi ko ipina-alam na ginahasa ako ng walanghiyang si Don Julio noong mga panahong nangatulong ako sa kanila. Hindi totoong umalis ako dahil sa kagustuhan ko kun'di pinalayas ako ng asawa niya dahil nalaman niya ang totoo. Diring-diri ako sa sarili ko lalo na nang magbunga ang isang gabing pagsasamantala niya sa akin pero ipinangako ko sa sarili kong hinding-hindi ko kamumuhian ang magiging anak namin. Patawarin mo ako kung ipinaako ko sa'yo ang ipagbuntis ko noon gayong hindi naman ikaw ang tunay na ama. Nakikiusap ako sa iyo, tulungan mo akong hanapin ang anak ko-- malakas ang kutob kong hindi siya namatay dahil kitang-kita kong buhay siya noong ipinanganak ko siya bago ako nawalan ng malay.

Sana ay mabasa mo ang sulat na ito mahal. Mahal na mahal kita, kayo ng anak nati