Kabanata 49: Offer

Nagmamadaling tinungo ni Joy ang pinto matapos niyang marinig na may nag doorbell. Ang buong akala niya ay ang nobyo niyang si Ricks na iyon kaya nakangiti siya habang binubuksan ang pinto. Nagtext kasi ito sa kaniya na pupuntahan siya nito ngayong araw.

Dalawang araw pa lang buhat nang umuwi sila galing sa Boracay ay na-miss na kaagad siya nito.

"Babes--

Pero nabitin sa ere ang iba pa niyang sasabihin nang mapagsino niya ang nasa tapat ng pinto. Si Don Julio! May kasama pa itong dalawang body guard sa tabi nito. Napalis din ang mga ngiti sa labi niya at napalitan iyon ng pangamba.

Napaatras pa si Joy nang walang sabi-sabing pumasok ito at ang mga body guard nito sa loob ng bahay.

"So.. dito pala itinatago ng magaling kong son-in-law ang kabit niya." sabi nito habang inililibot ang paningin sa buong kabahayan.

Tinakasan ng kulay ang magandang mukha ni Joy matapos niyang marinig ang mga sinabi ng matanda. Ngayon lang niya ito personal na nakita at nakakatakot ang presensiya nito. Mul