38-Engagement Party

KANINA pa si Sandra nakatingin sa salamin. Bumabalik sa isipan niya ang mga nangyari kagabi. Ang mga panghuhusga ni Aj sa kanya. Nagtagumpay siyang huwag mapaiyak sa harapan nito kahit sobrang nasasaktan na siya sa mga binibitiwan nitong salita.

Nasabi na ni Kevin ang ginawang deal ng lolo ng mga ito. Hindi nga siya makapaniwala noong una. Pero sabi naman nito na huwag niya masamain 'yon. Sa totoo lang hindi naman siya nakaramdam ng galit. Mas pabor pa nga sana sa kanya 'yon dahil si Aj mismo ang lalapit sa kanya. Pero pinatunayan lang talaga nito na hindi siya nito magugustuhan. Dahil kahit may yate ng premyo ay ni hindi siya nito nilandi.

Malalim siyang napabuntung-hininga.

"Panget ba ako?" kausap niya sa repleksyon sa salamin.

"You are not ugly. You are the most beautiful girl I ever seen," sagot ni Sammy habang papalapit sa kanya. Napakagwapo talaga nito.

Ngayon ang engagement party ni Clara. Silang dalawa lang ni Sammy dahil bukas pa ang uwi ni Samuel na hindi niya alam kung saan