Chapter 0016.2

Medyo hapon na pagkalabas ni Annie ng ospital at kaagad niyang tinawagan ang kanilang driver upang magpasundo. Kahit naman siguro magmakaawa siya sa harap ni Lucas na ihatid siya ay hinding-hindi siya nito ihahatid.

Pagkarating niya sa kanilang bahay ay agad niyang inutusan ang kanilang mga kasambahay na magluto ng ibat-ibang masasarap na ulam. Ang sabi kasi ng iba ay kapag malungkot ko ay kumain ka lang ng kumain para mawala ang lungkot na nararamdaman mo.

Ngunit nang maihain na sa harapan niya ang lahat ng ulam na ipinaluto niya ay bigla na lang siyang nakaramdam ng pagkahilo at tila ba gustong bumaliktad ng sikmura niya. Sa huli ay nagkulong na lamang siya ulit sa banyo upang sumuka ng sumuka.

Nang mahimasmasan siya ay agad din siyang lumabas. Dahil nga wala ng laman ang tiyan niya ay kailangan niyang kumain ng marami para may isusuka na naman siya mamaya.

Pagbaba niya ay inutusan niya ang mga ito na tanggalin sa mesa ang mga mamantikang mga ulam at ang mga ulam na matatapang ang a