Chapter 85.1

Biglang nanlaki ang mga mata ni Lucas na napalingon kay Annie at bakas rin ang pagkagulat sa mukha nito. “Annie, ba-bakit ka nandito?” halos nauutal pa na tanong nito sa kaniya.

“Bakit bawal ba akong pumunta rito?” balik na tanong niya rito ng mga oras na iyon. Kung pagkukumparahin ang ekspresyon nilang dalawa ay mas mukha pang natataranta si Lucas ng mga oras na iyon samantalang siya ay kalamadong nakatingin lamang sa kanila.

“Hindi, hindi iyon ang ibig kong sabihin.” mabilis na pagdepensa nito sa kaniya na may kasama pang pag-iling. Tumayo si Lucas at naglakad palapit sa kaniya at pagkatapos ay hinawakan ang mga kamay niya.

“Kamusta ang sugat mo? Ano ang sinabi ng doktor?” tanong nito sa kaniya na ikinapag-salubong ng mga kilay niya.

“Hindi naman delikado.” malamig na sagot niya rito at pagkatapos ay nilingon si Trisha na sa mga oras na iyon ay nakahiga sa kama at nakatingin din sa kanila. “Kamusta ang lagay niya?” tanong niya rito.

“Maraming dugo ang nawala sa akniya at mabuti na l