Chapter 89.1

Nang maisip niya iyon ay biglang pumasok sa isip niya kung ano kaya ang magiging reaksiyon ni Lucas kapag nakita niyang ang eksenang iyon. Biglang umahon ang excitement sa kanyang dibdib. Natitiyak niya na hinid nito magugustuhan iyon.

Biglang napakurba ang kanyang labi ng isang ngit, ngiting tagumpay.

Samantala, pagkatapos naman uminom ni Annie ng maligamgam na tubig ay medyo guminhawa na ang pakiramdam ng tiyan niya. Pero sa kabila nun ay wala na sa isip niya na magtagal pa doon. Kung hindi lang dahil sa pagsakit ng tiyan niya ay baka kanina pa siya umalis.

Sa kabila ng tapang na ipinakita niya sa harapan ni Trisha ay siya lamang ang nakakaalam kung paano nanlambot ang puso niya at nasaktan dahil lang sa mga sinabi nito sa kaniya. Pinilit lang niya ang sariling maging kalmado sa harapan nito para hindi siya maging katawa-taw sa harap nito.

Ayaw niyang isipin nito na sobrang naapektuhan siya sa mga salitang binitawan nito sa kaniya. Humugot siya ng isang malalim na hininga. Baka kun