Chapter 60

Shanra

Mag-isa lamang ako sa mesa na pinagdalhan sa akin ni Craig dahil nagpaalam siya sa akin na sasagutin lamang ang tawag sa kanyang cellphone. Kanina ay ipinakilala sa akin ng mommy ni Craig ang halos lahat ng mga bisita nito na dumalo sa party nito. May pagmamalaki ang boses ng mga magulang ni Craig habang ipinapakilala ako sa mga bisita at kamag-anak nitong dumalo. Magkahalong saya at takot ang nararamdaman ko ngayon. Masaya ako dahil tanggap ako ng mga magulang ni Craig ngunit at the same time ay nag-aalala ako at natatakot na sa oras na matuklsan nila ang aking tunay na pagkatao ay magalit sila sa akin. Masaya na ako ngayon at gusto kong manatiling masaya. Ngunit kakalimutan ko na lang ba ang sinapit ng aking pamilya para lamang maging masaya ako sa piling ng lalaking minamahal ko? Kaya ko ba na maging makasarili?

"Hi, Miss. Nag-iisa ka lang ba sa table mo? Puwede ba kitang samahan?" nakangiting tanong ng lalaking lumapit sa table ko kaya naputol ang malalim kong pag-iisip.

"N