Chapter 51

Brianna

Kagagaling ko pa lamang sa grocery sa araw na ito dahil wala na akong stocks ng grocery items. Nagmamadaling binuksan ko ang pintuan ng aking bahay dahil naiihi na ako. Hindi ko pa nabubuksan ang pintuan ng bahay ko nang bigla na lamang may lalaking lumapit at nagsalita sa aking likuran. Nang lingunin ko siya ay nanlaki ang mga mata ko nang makita ko ang lalaking nakita ko na nakatingin sa akin habang nasa loob ako ng aking coffeeshop kahapon.

"A-Ano ang kailangan mo sa akin?" nauutal kong tanong sa kanya. Sa sobrang takot ko ay nabitawan ko ang mga dala kong grocery bag. Nagsipag-gulungan ang mga dala kong prutas sa lupa.

"Nasaan ang usb?" mapanganib na tanong sa akin ng lalaki. Mas lalo akong nakaramdam ng takot nang biglang naglabas ng patalim ang lalaking kaharap ko at itinutok sa leeg ko.

"H-Hindi ko alam ang sinasabi mo," hintakot na sagot ko sa kanya. Pakiramdam ko ay maiihi na ako sa sobrang takot.

"Nasaan ang usb?" muling tanong sa akin ng lalaki. Mas lalong naging m