Chapter 52

Brianna

Gulong-gulo ang isip ko habang nakasakay ako sa aking kotse. Ipinasya ko na lamang na bumalik sa bahay ko matapos kong marinig ang usapan ng pulis at nang kung sino mang kausap nito sa cellphone. Talagang walang matinong pulis na puwede kong pagbigyan ng usb. Biglang pumasok sa isip ko si Rex na kaibigang pulis ni Dean. Hindi ko alam kung mapagkakatiwalaan ko ba siya o hindi. At kahit si Dean mismo ay hindi ko alam kung puwede ko bang pagkatiwalaan sa bagay na ito. May kaugnayan kasi ito kay Bridget na anak ng pinuno na naghahabol sa akin ngayon. Ano ba ang malay ko kung alam nila Dean at Rex ang tungkol sa trabaho ni Bridget at mga tauhan din pala sila? Baka mas lalo lamang akong mapahamak kapag nagkataon. Hay naku, ang hirap. Ang hirap talaga ng wala kang taong mapagsabihan ng mga problema mo. Wala naman si Peter para mahingan ko ng tulong at ayokong namang abalahin pa si Bryle sa problema ko. Ayokong maging problema lamang ng kapatid ko.

Habang pauwi ako sa bahay ko ay bigl