Chapter 53

Brianna

Dahan-dahan akong nagmulat ng aking mga mata pagkatapos ay iginala ko sa aking paligid. Patay na ba ako? Ang nalilito kong tanong sa aking isip nang makita kong napapaligiran ako ng mga puting kulay. Pero agad na iwinaglit ko sa aking isip ang ideyang iyon nang maamoy ko ang amoy ng mga gamot na dinadala ng hangin sa nakabukas na bintana. Agad pumasok sa isip ko na nasa loob ako ng ospital.

"Nasa loob pala ako ng ospital. Akala ko ay tuluyan na akong namatay. Salamat naman at nagkamali lamang ako ng aking iniisip," kausap ko sa aking sarili. Mula sa pagkakahiga ay umupo na lamang ako dahil masakit na ang likuran ko sa kakahiga. Laking-pasasalamat ko na nakaligtas ako sa nangyaring aksidente. Akala ko ay hindi ko na makikitang muli ang aking kapatid at ang aking ama na nasa loob pa ng kulungan.

Mag-iisang buwan nang hindi ako nakakadalaw sa kanya. Twice a month kasi kung dalawin ko si Daddy. Pero dahil bigla akong nagkaroon ng matinding problema lately kaya hindi ko pa siya na