Chapter 1

"Isha! Mag ka block ulit tayoooo!" sigaw ko at saka niyakap si Isha, nasa tapat kami ngayon ng CBA office at tinitignan ang schedule namin habang hawak hawak naman namin ang matriculation na kinuha galing sa accounting office matapos mag enroll

"Tanga! Malamang nagkopyahan tayo ng codes" sabi niya at tinarayan ako ngunit napangiti parin naman sa reaksyon ko

2nd year college na kami ngayon ni Isha, Uncean kami at pareho rin kami ng course which is Financial Management. Pinili ko talaga ang kurso ko dahil yun ang gusto ko. Hindi naman ako prinessure ng mga magulang ko, kahit na pareho silang Physical Therapist, ay sinuportahan parin nila ako sa gusto kong kurso.

Si Isha noong simula ay ayaw niya sa kurso niya, ngunit nakikita ko na rin naman na nagkakaroon na siya ng interes rito. Konektado rin naman ang kurso niya sa future niya dahil siya rin naman ang mamamahala ng sarili nilang bangko dito sa Bicol. In short, wala siyang choice

Narito na kami sa room para sa una naming subject ngayong araw which is Readings on Philippine History. Hay nako! Hate ko pa naman ang History. 75 pa 'ko sa Araling Panlipunan noong high school!

Mostly, kapag first day of class hindi pumapasok ang prof, pero pumunta parin kami ni Isha sa room. Mahirap na at baka napaka sipag ng prof namin at pumasok ngayon

Habang naghihintay ay nanonood lang ako sa youtube ng vlogs ni Alex Gonzaga. Parang pareho kasi kami ng personality, yung 101% ang kalokohan

Natigil ako sa panonood nang bigla akong kurutin ni Isha sa bewang ko kaya pinandilatan ko naman siya

"Gago aray ko! Anong problema mo?!" sabi ko sakanya habang hawak hawak ang bewang ko dahil masakit ang pagkakakurot niya

"Yung crush mo! Kaklase natin!" mahinang sabi niya kaya natigilan naman ako. Automatic na lumingon ako sa pinto kung nasaan si Jasper, ang crush ko!

"Shit, si Jasper kaklase natin?!" mahinang sabi ko kay Isha, hindi makapaniwala habang hindi ko inaalis ang tingin sa crush ko

"Oo! Diba engineering yan? Paano 'yan napunta dito?" tanong niya sa'kin

"Malamang minor subject lang naman 'to. Kahit ibang department pwede natin maging kaklase" paliwanag ko, kinikilig parin

Para akong mapuputulan ng hininga ng tumingin si Jasper sa gawi namin ni Isha. Mas lalong di ako nakagalaw nang kumaway siya saakin at saka ngumiti

Hindi agad ako nakapag response sakanya dahil natulala ako at kinausap siya ng kaibigan niya. Punyeta ang heartbeat ko!

"Hoy ang landi mo! Kinawayan ka" sabi ni Isha at natatawa

"Hala gago totoo pala 'yun? Kinawayan niya ako tapos... tapos nag smile siya?" sabi ko kay Isha dahil hindi parin ako makapaniwala

"Joke! Panaginip mo lang talaga 'yun" pagloloko saakin ni Isha kaya tinarayan ko siya

"Buraot!" sabi ko sakanya at kinuha ulit ang phone ko para i-take note ang oras at nangyari kanina

July 9, 10: 28 AM

Kinawayan at nag smile saakin si Jasper AAAAAH <3

Para na akong bulate sa sobrang kilig na nararamdaman ko at hindi ko alam kung anong posisyon ko sa pag upo ko. Grabe yung puso ko naman kasi Jasper enebe!

"Parang tanga" sabi sa'kin ni Isha nang hindi ako mapakali at hindi maalis ang kilig sa sistema ko. Panira talaga to kahit kalian!

Halos 30 mins na kami naghihintay sa prof pero hindi pa dumarating. Ang iba kong kaklase ay nagsisilabasan na dahil alam nilang hindi na papasok ang prof. Sabi kasi sa handbook ng UNC, kapag 30 mins nang wala ang prof pwede na lumabas ang estudyante, kaya 'yun naman ang sinusunod namin.

Nang makita kong tumayo na si Jasper at handa nang lumabas ng room ay hinatak ko na agad si Isha palabas ng room para masundan naming si Jasper

"Pucha! Aray ko ang sakit akin na kamay ko gago!" reklamo ni Isha ng mahigpitan ko ang hawak ko sa palapulsohan niya. Binitawan ko naman agad ang kamay niya at nag peace sign ngunit tinarayan niya lamang ako.

Dahil swerte nga ako ngayon ay nang makalabas kami ng room, kakalabas lang din ni Jasper at ng kaibigan niya kaya nagawi ang tingin niya saamin. At dahil makapal ang mukha ko ay kinawayan ko siya

"Hi, Jasper!" sabi ko at lumapit sakanya, iniwan ko si Isha

"Hello!" sabi niya rin saakin, at kumaway

"Ahm.. ah Yna" pagpapakilala ko at naglahad ng kamay sakanya, nagulat ako nang tanggapin niya ang kamay ko

"Jasper" tipid na sabi niya at ngumiti, sa sobrang pagkabigla ko ay hindi ko na mabitawan ang kamay niya. Nataohan lang ako nang pumeke siya ng ubo at tinignan ang kamay namin na magkahawak pa.

Binitawan ko naman agad iyon at dumaloy na sa buong katawan ko ang kahihiyan, jusko naman Alyanna!

"Ah eh hehe" hindi ko na tuloy alam ang sasabihin ko dahil sa kahihiyan at sa ngiti niya "Ah.. ay oo naman kilala na kita Jasper! Tennis player ka eh, sikat sa UNC!" pagbibiro ko at pinilit na tumawa

Natawa rin siya sa sinabi ko at pinilig ang ulo "Grabe hindi naman ako sikat" sabi niya at tumawa na rin, naputol ang tawanan naming nang umepal na ang pinaka epal sa buong mundo

"Hoy Alyanna gutom na ko kain na tayo! Landi mo" sabi niya kaya pinanlakihan ko naman siya ng mata

"Kakain na kayo? Tara sama na kayo samin ni Hero" sabi ni Jasper, tinutukoy ang kaibigan niya. Hindi ko alam ang sasabihin ko, niyaya niya kami mag lunch? Holy shhhh

"Sige na okay lang diyan lang kami sa bambam's para mala-" pinutol ko na agad ang sinasabi ni Isha

"Saan kayo kakain? Sige tara sama kami ni Isha!" biglang sabi ko at binantaan na ang kaibigan ko na 'wag nang magsasalita at pumayag nalang

"Sige, sa footlongan kami eh, labas pa ng campus, G?" tanong ni Jasper

"G! Sakto nag ccrave ako ng tapa" masayang sabi ko kaya napangiti naman siya

"Hoy gago sabi mo kanina nuggets kini-crave mo, bakit naiba?" singit ni Isha, panira nanaman

"Alam mo konti nalang itatahi ko na bunganga mo" mahinang sabi ko kay Isha, binabantaan siya kaya tinarayan niya lamang ako. Defeated.

"So, tara?" nabaling ulit ang atensyon ko kay Jasper at sinang-ayonan siya

Naglalakad na kami papunta sa footlongan nang mag open ulit ako ng topic kay Jasper para makausap siya

"So, kalian ulit ang laro niyo?" tanong ko, hindi mawala ang ngiti sa labi ko

"Next month pa, basketball tournament ngayong July eh" sagot niya naman at nginitian ako

Jusko Jasper 'wag kang ganyan. 'Yang ngiti ngiti na yan, nako! Iisipin kong type mo rin ako!

"Ikaw Yna, mahilig ka ba sa sports?" tanong ni Jasper, nauuna kaming maglakad at nasa likod naman namin si Isha, at Hero, kaibigan ni Jasper

"Ahm, gymnast ako pero noong highschool lang" sagot ko

"Wow ang galling mo naman" pagmamangha niya sa akin

Natawa naman ako "Mas magaling ka" sabi ko at natawa naman kami pareho

Naputol ang usapan namin nang makarating na kami sa footlongon. Dinadayo to ng mga taga Ateneo at UNC dahil mura at masarap ang pagkain dito. Nang makapasok kami ay punoan na ngunit sakto naman at paalis na yung mga Atenista na kakatapos lang kumain kaya nakaupo agad kami.

Sa likod naming ay mga lalaking taga Ateneo rin. Maingay sila at ang lalakas ng tawa. Grabe naman kaligayahan ng mga 'to!

"Hoy Jasper!" kahit hindi naman ako ang tinawag ay lumingon parin ako sa pinanggalingan ng tumawag kay Jasper. Isa 'yun sa mga lalaking maiingay sa likod ng inuupoan namin.

"Hey, Archie" lumapit naman si Jasper sa lalaki, mukhang kaibigan niya.

Sa sobrang chismosa ko at hindi maalis ang tingin kay Jasper at sa kaibigan niya ay napakunot ang noo ko nang mapansin ang katabi ng kaibigan ni Jasper na nakatingin saakin. Pinag taasan ko siya nang kilay ngunit nginisihan niya lamang ako at pinagpatuloy ang pagkain niya ng fries.

Naagaw naman ni Isha ang atensyon ko nang tawagin niya ako "Ano kakainin natin dito?" tanong niya

"Kung ano kay Jasper" malanding sagot ko

"Kadiri ka" sabi niya at inismiran ako, itinuon na lamang ang pansin sa menu

Nang makabalik si Jasper ay umupo na siya sa harap ko. Dapat dito siya sa tabi ko, at dahil epal si Isha ay siya ang umupo sa upoan na dapat kay Jasper. Muntik ko pa siyang sabunutan.

"Ano sayo Jasp?" tanong ni Hero kay Jasper

"Tapa, ikaw Yna?" tanong niya saakin

"Ah.. eh yun na rin, tapa" nauutal na sabi ko at saka ngumiti kay Jasper

Si Hero at Isha ang nag order kaya naiwan kami ni Jasper sa mesa.

"Ah kaibigan mo?" turo ko doon sa kausap ni Jasper kanina

"Oo, mga basketball player ng Ateneo" sagot niya

Napa 'ohh' naman ako nang malaman na basketball player pala 'tong mga nasa likod namin, kaya pala ang tatangkad. Natawa ako nang tawanan ako ni Jasper dahil sa reaksyon ko

"Pare" naagaw ang atensyon ko sa kaibigan ni Jasper na taga ateneo nang lapitan kami nito

"Oh Arch, bakit?" tanong ni Jasper

Bago siya sagutin ng kaibigan niya ay tinignan niya muna ako at nag wink saakin. Napakunot ang noo ko dahil doon

"Girlfriend mo?" tanong ng kaibigan ni Jasper, tinutukoy ako

"Ah, hindi. Kaibigan ko" sagot naman ni Jasper. Ouch.

"So pwede pala 'to pormahan ni Lace" natatawang sabi niya at nakitawa na rin si Jasper. Parang pinag titripan ako ng mga 'to!

"Kung si Lace ang poporma, bakit ikaw ang nandito?" tanong ni Jasper, saka ako tinignan at nginitian. Pucha binubugaw ba ako ng crush ko?!

"Torpe si kupal" natatawang sabi ni Archie at nagulat nalang ako nang umupo siya sa tabi ko, na upuan ni Isha

"Pwede daw ba malaman pangalan mo, sabi nung kaibigan ko?" sabi ni Archie at tinuro ang kaibigan niya kaya napalingon naman ako. Nagulat ako na ang tinutukoy niya ay yung nakatingin saakin kanina. Ngayon ay abala siya sa cellphone niya.

"Ah eh... Yna" sagot ko

"Nice! So hi Yna, type ka nong kaibigan ko si Lace" nakangiting sabi niya saakin ngunit bago pa 'ko mag salita ay dumating na si Isha at matalim ang tingin kay Archie

"Bakit mo nilalandi ang kaibigan ko?" seryosong tanong ni Isha

Natawa naman si Archie at saka tumayo sa kinauupoan niya "Chill, hindi ko siya nilalandi. Lalandiin palang ng kaibigan ko" matapang na sagot niya

Tinarayan siya ni Isha "Layas" sabi niya at saka umupo sa tabi ko. Natawa nalang si Archie at nagpaalam kay Jasper na aalis na, pati na rin saakin kaya tinangoan ko lang siya at tipid na ngumiti

"Sinong Lace ang tinutukoy niya?" tanong ni Isha habang inaayos sa mesa ang pagkain namin

"Captain ng basketball sa Ateneo" nagulat ako nang si Jasper ang sumagot

Namilog naman ang mata ni Isha at lumingon sa likod namin, kung saan naroon ang mga basketball players

"Alin dyan?!" tanong ni Isha

Dahil hindi ako makasagot ay tumawa si Jasper at siya ang tumuro doon sa Lace

"Shit! Ang pogi! Lalandiin ka daw?! Hoy gago magpalandi ka na!" masiglang sabi ni Isha ngunit pinilig ko lang ang ulo ko at saka sinumulang kumain

"Type ka daw, Yna. Mukhang totoo naman kanina kapa tinitignan eh" sabi naman ni Hero. Automatic naman na napalingon ako sa likod at totoo nga, nakatingin na ulit siya ngayon saakin

Agad akong umiwas at pinagpatuloy ang pagkain. Nakita kong natatawa lang sila Jasper at kumain na rin. Tahimik lang kaming kumakain ngunit sa kalagitnaan ay bumalik si Archie sa mesa namin

"Yna, pwede daw ba malaman social media account mo? Saan ka ba active?" tanong niya

Sasagot na sana ako ngunit naunahan ako ni Isha "Sa twitter! Sa twitter siya active, madrama to sa buhay eh! Ako na mag sasabi ng username niya sabihin mo dun sa Lace mag dm agad ha?!" dirediretsong sagot ni Isha

Napakunot naman ang noo ni Archie sa kaibigan ko "Woah, kanina parang kakagatin mo na ko sa galit ng tingin mo saakin, tapos ngayon" di na pinatuloy ni Archie ang sasabihin at natawa nalang

"Huwag ka nang maraming sinasabi, eto" kumuha si Isha ng maliit na papel at ballpen saka isinulat ang username ko sa twitter. Aba! Hindi manlang ako tinanong ng bruhang 'to kung okay lang ba saakin!

@ynayv SINGLE, UNCEAN 2ND YEAR FM

Yan ang isinulat ni Isha sa papel saka ibinigay kay Archie, kinindatan naman ako ulit ni Archie at umalis na sa mesa namin

"Gago ka ba?! Bakit mo binigay?" mahinang sabi ko kay Isha

"May lalandi na sayong gwapo ayaw mo pa?!" sagot niya

"Parang tanga to bw-" di ko na natapos ang sasabihin ko nang mag vibrate ang cellphone ko at nakakita ng notif sa twitter. Agad ko itong binuksan at nakitang may message sa message request.

From: @lacemart

Hi, gorgeous :)