Chapter 40

Tumirik ang mata ni Trixxie habang kinikilig naman ang anak na si Tatiana.

“OMG, Mama may suitor ka na!” tudyo ni Tatiana sa ina. Kinikilig ito sa mga kalalakihan na nasilayan. Naroon ang mga ito sa gate. Dalawa ang may hawak na gitara samantalang si Gavin ang umaawit. May dalawang bungkos ng bulaklak na dala ito sa mga kamay. Habang kumakanta ng awiting “After All” ay may papikit-pikit pa ito.

Lahat ng mga Angeles ay nakadungaw sa veranda. Pati ang mga anak ni Erica at Harvey ay nakatanaw sa nanghaharana. Pero, si Trixxie ay madilim ang mukha kahit panay kulit ng anak na si Tatiana.

Kinakabahan si Gavin. First time niyang haharanahin si Trixxie at ang kanilang anak. Balak niyang ipagtapat kay Tatiana na siya talaga ang totoong ama nito kung papayag si Trixxie. Naging napaka-supportive ng kanyang pamilya nang malaman ng mga ito na balak niyang suyuin ang kanyang mag-ina. Lalong-lalo na ang kanyang ama na