Chapter 101

"Ayos ka lang? Bakit parang nakakita ka ng multo?" nag-aalalang tanong ni Jacob.

Hindi ko na siya nasagot dahil lahat ng atensyon ko ay nasa lalaking lumabas ng sasakyan.

"Simon.." bulong ko sa sarili ko.

Bakit siya nandito? He is a hunter. Wala siya dapat dito dahil isa rin sila sa mga tumutuligsa sa mga taong lobo.

Ngunit ang ipinagtataka ko pa ay si Ismael na kasama niya. Walang duda na lobo ito base na rin sa kulay ng mga mata nito. Kaya bakit sila magkasama?

Akmang lalapitan ko na siya nang muling bumukas ang pintuan.

Parang bumagal ang pag-ikot ng mundo habang hinihintay namin na bumaba ang isa pang bisita. At nang tuluyan na itong makalabas ay literal na nanigas ako mula sa aking kinatatayuan.

Namawis ang mga kamay ko at biglang bumilis ang tibok ng aking puso habang nakatingin sa toang hindi ko inaasahan na dito pala sa Magnuth ko makikita.

Simon is here. Probably she would be here too.

Mariin kong ikinuyom ang a