CHAPTER 49: Tawag

SAMARA POV

Nakangiti akong nagmaneho papasok ng Northford University. Napatingin ako sa dalawang bento box na nakalagay sa car seat ko.

Isang maliit na bento box yun para sa akin at isang malaking bento box para kina Marco at Lolly.

Tinulungan akong gumawa ng Bibimbap ni Manang Letty kaya sigurado akong mas masarap yung gawa ko kaysa sa binigay ni Mandy. Napailing ako at natawa.

‘Hay, I'm always winning talaga.’

Matapos magpark ay bumaba ako ng kotse ko. Sabik na sabik kong dinala ang dalawang bento box habang naglalakad sa kahabaan ng kalsada ng Northford University. Pakanta-kanta pa ako habang ini-enjoy ang sariwang hangin na dulot ng nagtatayugang puno sa tabi ng daan.

Natanaw ko si Marco na mag-isa at abala sa worksheets namin habang nakaupo sa mini-park. Agad na kumislap ang mga mata ko at lumapad ang ngiti sa labi ko.

Kinikiliti na naman kasi yung puso ko.

Lalapitan ko na sana siya nang mapansin ko ang dalawang lovers na nakasilong sa punong acacia. Sweet na sweet silang ting