CHAPTER 56: Yelo

THIRD PERSON POV

“Tara na, babe,” hinila ni Jei ang kamay ni Monica. Mukhang wala ito sa mood.

“Anong babe babe pinagsasabi mo?” agad na bara ni Monica sa kanya. Hindi pa rin kasi nawawala ang pagka-bitter ng dalaga sa binata matapos siya nitong makailang beses na sinaktan.

“May date pa tayo, diba?” pagsisinungaling ni Jei. Tinitigan niya nang masama ang lalaking nakahawak sa kamay ni Monica. “Pwedeng pakibitawan ang girlfriend ko, brad? Baka ‘di kita matansya, basagin ko yang mukha mo,” pagbabanta niya sa lalaking nakahawak pa rin kay Monica.

“Ano?” Tatayo sana ang lalaki pero nagsimula nang lumapit sa direksyon nila ang pitong bouncers na malalaki ang katawan. Kaya siyang pisain ng mga yun sa isang kamao lang. Napilitan tuloy siyang bumitaw na lang.

“Tara na mga p're, masisira lang gabi natin,” yaya ng isa sa tatlong lalaki. Padabog naman na sumunod ang dalawa pa.

Nang makaalis ang tatlo ay pinasadahan ng tingin ni Jei si Monica mula ulo hanggang paa. Agad na nakaramdam ng pagkairit