CHAPTER 58: Cherophobia

SAMARA POV

“Woooah!” hiyawan ng mga katulong namin sa kusina.

Alas singko pa lang ng umaga ay nagkukumpulan na sila.

“Kendeng-kendeng… pak!” Nag-pose si Kakai na parang isang modelo. Suot niya yung black shoes na binigay sa kanya ni Monica. Aliw na aliw naman ang ibang mga katulong sa kanya at panay ang tawanan. Muli siyang rumampa.

Napailing na lang ako at napangiti na rin. “Mukhang ang saya niya talaga, ah,” monologo ko at pinagkrus ang dalawa kong braso.

Kumislap ang mga mata ni Kakai nang makita niya ako. Agad siyang pumunta sa gawi ko at ibinida ang bago niyang sapatos.

“Ma'am, oh, bagay ba?” nawiwili niyang sabi. Panay ang hagikgik niya.

Nakangiti kong tinitigan ang sapatos na suot niya. “Bagay na bagay,” puri ko sa kanya. Tumango-tango pa ako.

Nanlaki ang mga mata niya nang mapansin niya ang leeg ko.

“Uy, hala, ang ganda po ng kwintas niyo, ah, bago po yan?” namamangha niyang sabi.

“Ay,” hinawakan ko ang kwintas na suot-suot ko na tinutukoy niya. “Bigay ni daddy,” nakangiting