CHAPTER 53: Text

THIRD PERSON POV

“Aw!” Napahawak si Monica sa ulo niyang binato ng kinumpol na papel ni Jei. Agad niya itong tinaasan ng kilay. Tanging hagikgik lang ang iginanti ng binata.

Ilang araw na rin siyang kinukulit ni Jei. Binibigyan siya nito ng kung ano-anong bagay gaya nalang ng laruang gagamba at sawa. Nung isang araw pa ay nilagyan nito ng malaking bato yung maleta niya. Minsan naman ay binibigyan siya nito ng mga korni na jokes na nakasulat sa tissue paper. May mga pagkakataon ding minimention siya nito sa mga nakakatakot na videos sa fàcebook tuwing hating-gabi.

Nawiwili na talaga si Jei na pagtripan siya. Lagi siyang kinukulit ng binata simula nung araw na tinanggihan niya ang alok nitong makipag-date sa paborito nitong café.

Mukhang wala na ngang balak si Jei na tantanan siya.

Pinulot ni Jei ang kinumpol na papel sa sahig na binalewala lang ni Monica. Napakamot pa siya bago ito iniabot sa dalaga. “Basahin mo kasi,” parang nagtatampo niyang sabi.

“Ha? Ayoko nga,” walang pakialam na