Chapter 48

NAGTUNGO sa elevator si Zia, hinihintay na bumukas ang pinto. Hanggang sa naabutan ni Louie.

“Bakit ka bumili ng panibagong contraceptive pills? Meron ka pa sa bahay at gawa ‘yun sa Rodriguez Pharmaceutical.”

“Louie, magkaiba man ang gumawa pareho pa rin ‘yun ng purpose.”

Pagbukas ng elevator ay humakbang siya papasok. “Saka, ano bang ginagawa mo rito? Bakit ‘di mo balikan do’n si Bea mukhang kailangan ka niya?”

Nanliit ang mga mata ni Louie, binabasa ang ekspresyong pinapakita ng asawa.

"At ikaw Zia?”

“What can I ask for? Enough na sa’kin na kilala akong asawa mo.”

Sa narinig ay nainis lang si Louie. “How generous of you,” aniyang may bahid ng sarkasmo.

Hindi na siya sumunod sa loob ng elevator at bumalik kung saan niya iniwan ang mag-ina maging si Alice.

Madilim na ang ekspresyon na napuna naman ni Alice at hindi nagtangkang dumagdag sa init ng kanyang ulo.

Napansin ni Bea na may hindi tama s