Chapter 50

PINALIWANAG naman ni Alice ang nangyari at sinabing si Samantha mismo ang sumagot sa tawag ni Zia.

Kaya nabaling ang tingin ni Louie sa aktres.

Ang ngiting makikita sa mukha ni Samantha ay naglaho nang makita ang lamig ng pagtitig nito. Ang pag-asa niyang magkaroon ng koneksyon sa kilalang businessman ay naglaho.

Magkaganoon man ay hindi siya nawalan ng kumpyansa. “May ibinilin siyang inumin mo ang gamot at ‘wag masiyadong magpagod.” At nakuha pang laru-laruin ang buhok.

Mas lalong dumilim ang tingin ni Louie dahil halatang-halata niyang may iba itong intensyon.

“Alice… pakibago ‘yung nasa kontrata. Babaan mo ‘yung amount ng endorsement fee,” utos ni Louie.

Napakurap-kurap naman ng mata si Samantha. Hindi makapaniwala sa narinig.

Lumapit naman ang nakangiting si Alice at muling kinausap ang aktres para pag-usapan ang pagbabago sa kontrata.

Muntik pa ngang masabi ang ‘buti nga sa’yo’ pero nagawa namang makapagpig