Chapter 51

NAGTAGAL ang tingin ni Zia sa asawa saka kalmadong napangiti. “Sure, hihintayin kita sa taas.”

Pinigilan siya ni Louie sa braso sabay hila kaya nagkalapit ang kanilang katawan. Dahil doon ay bahagyang tumama ang mukha niya sa dibdib nito.

Nakabawi naman siya agad at umatras hindi kinakalimutan na may ibang tao sa paligid. Hindi dapat siya ang hinaharap ni Louie kundi si Bea na sumadya pa rito dahil sa kumakalat na issue.

At mas lalo pang lumayo nang mapuna ang masamang tingin ni Bea. Tinalikuran niya ang tatlo at eleganteng naglakad palayo.

Nagmula si Zia sa mayamang angkan at itinuring na prinsesa ng pamilya kaya dapat niyang ipamukha kay Bea na magkaiba ang estado nila sa buhay kahit pa ito ang pinapaburan lagi ng asawa.

Nang maiwan ang tatlo ay hindi na nagpigil pa si Louie. Galit itong humarap sa mag-ina.

Nakaramdam naman agad ng kaba si Bea nang mapuna ang madilim na ekspresyon nito. Nagsimulang manginig ang kamay niya pero