Chapter 43

IBINALIK ni David ang isip dito. Grant had always been polite and friendly and very efficient. Hindi nito tinawid ang linya sa pagitan ng isang empleyado at kaibigan.

Kaibigan, sa diwang si Grant ay kaibigan ni Helaena noong ito ata nabubuhay pa bago pa man ito naging empleyado ng FNC. Si Grant din ang tumayong maid of honor sa kasal nila ni Helaena dahil hindi sumipot ang kaibigan ni Helaena na si Yvonne.

Si Grant din ang huling nakakita kay Helaena nang ihatid nito ang huli sa airport. Dapat ay kasama ni Helaena si Grant patungong Rome nang araw na iyon. Isa o dalawa sa mga biyahe nina Helaena at Vibce sa ibang bansa—for shopping—ay kasama si Grant.

Katunayan, nagpahiwatig si Helaena na nais nitong isama sa Rome si Grant. Tutal naman daw ay birthday ni Grant ang susunod na buwan at regalo na ng asawa ang biyaheng iyon sa Rome. Bagaman sa Rome lang makakasama ni Helaena ang kaibigan dahil si Helaena ay tutuloy sa America habang babalik naman sa Pilipinas si Grant. But Grant had decli