Kabanata 25

Wrong call

Bumuntong-hinga ako. Hindi ko na pinulot ang cell phone dahil may gwardiya nang gumawa no'n. "Pakitapon na lang," ani ko saka pumasok nang tuluyan sa mansion.

Kunot-noo akong nahiga sa kama at inisip ang nakangiting mukha ni Lyndon. Masaya yata ang lalaking 'yon na pinutol ko na ang ugnayan ko sa pinsan niyang si Kervy? Nagsalubong ang dalawa kong kilay.

Kinabukasan, pumasok ako sa University para sa panibagong set ng exams. Same day lang din makukuha ang resulta kaya nakuha ko by afternoon. Pagkakuha ko sa sheet at pagkakita ko sa score ay tumaas ang kilay ko.

"Eighty over hundred? Kanino ka kumopya?" biglang tanong ni Reun nang sumulyap siya sa papel ko.

Natawa ako sa sinabi niya at pabiro siyang hinampas sa braso. "Grabe ka talaga sa akin. Nag-study kaya ako, no?" sabi ko saka rumulyo ang mga mata.

"Study?" Naningkit ang mga mata niya, at tiningnan ako mula ulo hanggang paa. "Rishell, hindi ikaw ang tipong mag-aaral ng lesson."

Tiningnan ko siya nang ilang minuto bag