Kabanata 27

Hindi ko na nasalba 'yong mga merch na binii ko noon. Mabuti nalang at naitago ko nang husto 'yong mga regalo ng fans ni CLGF kaya hindi nasunog kasama ng ibang merch. Kahit na gusto kong pigilan 'yong mga kasambahay pero hindi ko magawa dahil nakatutok si Mama.

Napabuntong-hinga na lang ako at napatingin sa madilim na kalangitan.

Malakas ang ihip ng hangin at mabigat ang buhos ng ulan. Halos ramdam ko ang vibration sa handy umbrella na ginagamit ko. Masyado kasing malawak ang field ng University kaya kanina pa ako nahihirapan sa paglalakad dahil maputik ang daan. Takot akong marumihan ang doll shoes dahil sermon na naman ang aabutin ko sa bahay.

Pumikit ako nang mariin at bumuntong-hinga na naman. Malayo pa ang campus gate pero halos basa na ang laylayan ng skirt ko. Walang choice kung 'di tumakbo tungo sa campus gate. Hindi ko na inisip ang tilamsik ng putik tuwing lumalapat ang sapatos ko sa basang lupa.

"Hay nako!" bulong ko at kunot-n