Kabanata 29

Nag-usap saglit ang parents ko at ang officer na nagtanong sa akin kanina. Hindi ko na inusisa kung anong pinag-usapan dahil naging abala ako sa pakikinig sa mga kuwento ni Tiden. Nakangiti lang ako habang kinukwento niya ang mga experience niya lately, lalo na ang paghahanda sa upcoming concert nila sa Bohol.

Maya-maya pa ay lumapit sa amin ang officer. Hindi niya kasama ang parents ko kaya sa tingin ko ay abala sila sa pakikipag-usap sa doktor. Umikhim ang lalaki. "Marami nang mga krimen ang naganap doon sa palayan sa Baranggay Masulob-on. Noong nakaraang gabi lang, may report na natanggap ang presinto. Dalawang babae ang ginahasa."

Nagbaba ako ng tingin. Ang totoo ay hindi ko alam kung bakit sinasabi ng officer ang tungkol doon pero nakahinga ako nang maluwag sa kaalamang alam ng pulisya ang nangyayari sa lugar na iyon. Mabuti na lang talaga at tumakbo ako palayo sa covered court kagabi at hindi nagpahuli sa mga tambay. Baka naging isang biktima na rin ako ng m