Kabanata 44

Hindi ko alam kung paano ako nakauwi pagkatapos ng halikan namin sa eskinita na 'yon.

Bumalikwas ako ng bangon nang tumunog ang cellphone ko. Inabot ko 'yon at binuksan ang inbox. Galing kay Levi ang message. Inabisohan niya akong maghanda kasi susunduin niya raw ako. Nakagat ko ang ibabang labi sa excitement.

Tama. Ipapakilala ko siya kay Mama at Papa. Mabilis akong bumangon at naligo.

"Ma!" tawag ko .

Nag-angat siya ng tingin. Nangunot pa ang noo nang pinasadahan ng tingin ang suot ko. "Saan ka?"

Lumapad ang ngiti ko. "Magdi-date kami ng boyfriend ko."

"Boyfriend?"

Ngiti akong tumango. Naningkit ang mga mata ni Mama. "Husea! Tawagan mo ang Sir mo at sabihing bumalik siya rito! Hindi pa nakakalayo ng Boljoon 'yon! Bilisan mo!"

Napakamot ako sa pisngi. Hindi ko alam kung tama bang ipakilala ko si Levi sa kanila ngayon?

Wala pang sampung minuto, nakabalik na si Papa. Nakabihis na rin ng damit si Mama at handa na ang pagkain sa mesa. Kunot-noong hinagkan ni Papa ang pisngi ni Mama a