Chapter 86: Kabayaran

Doon ako sa bahay niya natulog ng gabing iyon. Binawi namin ang mga sandali na magkaaway at hindi kami nagpapansinan. Halos ay ilang oras lang ang tulog namin. Magkayakap na nag-usap. Pinagkuwentuhan rin namin ang mga nangyari. Feeling ko bawing-bawi na kami rito ni Chaeus.

Kinabukasan pagising ko ay humahangos na pumasok si Chaeus sa kwarto na nagsabing kukuha lang ng tubig sa ibaba. Ini-lock niya ang pintuan ng kwarto. Namumutla at takot na takot. Mabilis akong bumangon. Hindi ko na alam kung saan pa hahanapin ang mga saplot sa katawan. Nakahubad pa rin kasi ako ng mga sandaling iyon.

"Anong meron sa ibaba, Chaeus?" may nginig ang boses na tanong ko, alam kong may mali dito.

"Si Mommy at ang Daddy mo..." hindi niya iyon magawang tapusin na nakabitin lang sa ere.

Nanlaki na ang mga mata ko.

"A-Anong nangyari sa kanila?"

Jusko, huwag naman sanang bad news iyon!

Lumunok muna siya ng laway bago sumagot.

"Nasa ibaba sila, kasama ang ilan sa mga maid." turo niya pa sa labas ng pintu