Chapter 85: Comeback?

Hinainan niya ako ng lasagna at vegetable salad. Hindi na ako nagreklamo. May dala rin noon si Azalea kanina pero hindi ko rin naman tinikman. Kinain ko iyon. Inubos ang inilagay niya sa plato ko kahit na busog pa ako. Nagpagod akong pumunta dito kaya dapat na ubusin ko rin ang inihain niya.

Habang kumakain ay nakaupo lang siya sa harap ko. Titig na titig siya sa akin na para bang hindi siya makapaniwala na nasa harapan niya ako. Sa totoo lang ay naiilang na ako. Parang hindi na ako sanay sa mga titig niya. Nakakalunod iyon. Para akong puputulan ng hininga. Ngunit saglit lang iyon. Hindi rin nagtagal ay muli akong nasanay at agad na napalagay sa nakakapasong presence niya. Gusto ko sanang sabihan siyang magpalit ng damit, kaso baka bigla ko namang ma-offend. Hindi rin naman big deal iyon. Nasa bahay siya eh.

"Ano iyong ginawa mo kanina para utuin ako? Umiiyak ka ba talaga at lasing o drama mo lang iyon para makuha mo ang buong atensyon ko?"

Umirap pa ako. Mukhang napaglaruan ako ng