Chapter 98: Sino ang kamukha?

Napilitan akong mag-online class sa unang taon ko sa college para lang hindi ako mahuli sa klase. Tiniis ko iyon kahit na nahihirapan sa pagbubuntis. Hindi ko kailangang araw-araw mag-biyahe para pumunta ng University. Sina Daddy at Azalea ang pumunta ng school ko at nakipag-usap mismo sa principal. Saka na lang ako papasok ng face to face after manganak at makabawi na ng lakas.

Mahirap pero pilit na kinaya ko iyon. Nanatili ako sa bahay. Lumalabas lang kapag may check up. Ang garden at pool ang naging main tambayan ko at naging saksi sa halo-halong emosyon ko. Maraming mga bagay akong nami-miss gawin pero naisip ko na mababalikan ko naman silang lahat kapag nanganak na ako. Iyon na lang ang iniisip ko kapag nilalamon ako ng mga ito.

"Kailangan mong maglakad-lakad para naman hindi ka mas mahirapang manganak, Hilary." palaging paalala ni Azalea sa akin araw-araw.

Gusto kong maging normal delivery. Ayoko na magkaroon ng hiwa sa tiyan. Though wala naman akong magagawa kung iyon ang kap