Chapter 39

DAVID

Matapos kong pumunta sa sementeryo ay tumungo ako sa condo unit ng best friend ko na si Rafael na kahit alam ko na pagagalitan na naman niya ako ay pumunta pa rin ako. Alam na alam niya ang nangyari sa akin kaya ganoon na lang niya ako pagalitan.

"Saan ka pumunta, huh?" seryosong tanong niya sa akin habang nakaupo sa couch na problemadong-problemado. Namumugto ang mga mata ko na halatang umiyak ako kanina.

Nagpakawala muna ako nang malalim na buntong-hininga bago sumagot sa tanong niyang 'yon sa akin kung saan nga ako pumunta.

"Pumunta ako sa sementeryo, bro," mahinang sagot ko sa kanya na hindi nakatingin sa kanya. Kahit tumingin ako sa kanya ay alam ko na nakakunot na naman ang noo nito.

"Pumunta ka na naman sa sementeryo? Ano naman ang ginawa mo doon, huh? Kinausap mo na naman ba si Tita Ronaldo? Humingi ka na naman ba sa kanya ng tulong?" sunod-sunod na tanong niya sa akin na dahan-dahan ko naman ngang tinanguan.

"Oo, bro. Humingi ako kay daddy ng tulong..." mahinang usal