Chapter 42

DAVID

Kinabukasan nga ay umalis na ako patungo sa probinsiya kung saan ko matatagpuan si Celine. Nagpaalam na ako kay Rafael na best friend ko. Sinabihan ko siya na mag-iingat siya sa biyahe niya sa Tuesday patungong Canada. Sinabi ko na 'yon sa kanya dahil baka hindi pa ako makakauwi nito sa Tuesday. Hinatid pa nga niya ako sa terminal ng mga bus. Pinuntahan muna namin ang puntod ng mga magulang ko bago dumiretso sa terminal. Sinabi ko kay daddy na pupuntahan ko si Celine sa probinsiya kung saan ito nakatira. Hindi na ako nag-eroplano pa para makatipid ako sa pamasahe. Sampung oras ang tagal ng biyahe papunta sa probinsiya nila.

Nakahinga ako nang malalim pagkasakay ko sa bus. Makikita ko na rin muli si Celine sa wakas. May kaunting kaba ngunit kailangan ko na talagang gawin ang sadya ko sa kanya. I really need her help. Kahit ano ay gagawin ko basta tulungan lang niya ako na makabangon muli sa pagkakalugmok kong 'to. Nakaidlip ako sa biyahe. Tamang-tama isang oras na lang ay nasa b