Chapter 43

CELINE

Ilang minuto muna ang lumipas bago siya nagsalita muli sa harapan ko. Ang bilis pa rin ng tibok ng puso ko habang magkaharap kaming dalawa ni David. He took a deep breath first and said, "Huwag mo nang alamin pa kung paano ako nakapunta dito sa probinsiya n'yo at paano kita nahanap. Ang importante sa akin ngayon ay nahanap na nga kita, Celine. Kaya ako pumunta dito ay..."

"Ano?" kunot-noong tanong ko sa kanya.

"Pumunta ako dito sa 'yo para humingi ng tulong sa 'yo. I really need your help, Celine. Sana ay matulungan mo ako, please. I badly need your help, Celine," sabi niya sa akin at mas lalo pa akong napakunot-noo.

Bakit naman niya kakailanganin ang tulong ko? Mayaman siya, 'di ba? Hindi dapat siya humihingi ng tulong sa akin. Galit siya sa akin, 'di ba? Bakit ngayon ay kailangan na niya ang tulong ko? Naalala ko tuloy ang mga masasakit na salita na sinabi niya sa akin dati.

Tatlong taon ang nakalilipas ngunit ngayon na nandito siya sa harapan ko at naalala ko ang mga sinab