Truth

SA halip na dumiretso sa bahay ay niyaya ko muna si Jordan na mag midnight snack sa isang cafe na malapit sa bahay. Agad naman itong pumayag kaya't hindi ko maiwasan ang mapangiti.

"Kape lang ang oorderin ko. Busog pa ako eh." Ani Jordan nang nakaupo na kami sa loob.

"Hmm...okay. Akin, tuna carbonara pa rin." Nakangiting tugon ko. Kapagkuwa'y sinenyasan ko ang waitress na kaagad naman'g lumapit.

Ilang minuto lang din ay nai-serve na ang aming order kaya naman sinimulan ko ng kumain at dahan-dahan ko siyang kinausap.

"Uhm...Jordan, what if nalaman mong may itinatago pala ako sa'yo? Mapapatawad mo kaya ako?"

Huminto ito sa pagsimsim ng kape at diretsong tumingin saakin. "Huh? Ba't mo naman naitanong?"

"Basta, sagutin mo na lang."

"Well, depende siguro sa kasalanan." kibit balikat niyang sagot. "Bakit? May itinatago ka ba saakin?"

"Hmm...what if nalaman mong wala pala akong amnesia?"

Isang malalim na buntonghininga ang agad niyang pinakawalan bago ako sinagot. Pagkata