THZ 9 - THE BIDDING

“Love, tama na muna ‘yan, binilhan kita ng pagkain sa labas, alam kong gutom ka na.”

Umangat ng mukha si Hera ng marinig ang boses ni Dwayne. Kaya pala biglang nawala ito sa loob ng opisina niya, ‘yon pala bumili ng pagkain sa labas. Sinulyapan niya ang oras sa wrist watch niya. Napatakip siya ng bibig ng makita na past 12 midnight na pala. Umabot talaga siya ng ganitong oras sa pagpupuyat matapos lang ang lay-out plan niya. Isang linggo na niya itong ginagawa. Napangiti siya habang tinitingnan ang binata na abala sa paglalagay ng mga pinamiling pagkain sa maliit na mesa. Hindi niya maiwasan ang kiligin dahil sa sobrang maasikaso nito sa kanya. Binalingan siya nito.

“Love, halika na, mamaya mo na balikan iyan. May naisip akong ideya, sigurado akong matatapos agad ang Lay-out mo.”

Nagtataka ang kanyang mga mata na tinitigan ito? Anong idea na ‘yan?”

“Basta, hindi ko sasabihin hanggat hindi ka muna kumakain. Hindi na tama itong pagpapalipas mo ng gutom.”

Tumayo siya at lumapit rito.