ANG BOYFRIEND NI GEMMA

BANG!

Humigpit pa ang pagkakahawak ng maskaradong lalake sa buhok i Solenne.

Marahan. Unti-unting lumalapit ang naka-civillian clothes na security officer sa kanyang binaril. Alerto at handang muling paputukin ang hawak nitong armas habang malikot ang matalas na mga matang palipat-lipat ang tingin sa nakamaskarang lalake at sa sabu-sabunot nitong babae.

Malakas na bumalagbag ang katawan ng binaril, hatak ang buhok ni Solenne na kasamang bumagsak sa damuhan ng malawak hardin sa harapan ng mansiyon ng mga Rossell.

“EEEEE…”

Kasabay sa kanyang pagtili ay pilit na kinakalas ng babae ang kanyang buhok sa pagkakasabunot ng nakabulagta, duguan, maskaradong lalake.

Maingat, mabilis na lumapit ang security officer sa nakabulagta. Dinama ang tibok sa leeg nito.

“Patay na.” Ang mahinang sinabi.

.*** ****

LABIS NA PINANGHIHIYANGAN ni Gemma Garcia ang kumupas niyang kabataan. Hindi niya matanggap na nabale-wala lang ang lahat ng kanyang mga pagsisikap, paghihirap, pakana, plano at mga pang